Հայաստանի Հանրապետության վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ը ունի աշխատանքային երկու հիմնական ուղղություն՝ վերլուծական և ստեղծագործական։

Ստեղծագործական ուղղությունը բաղկացած է հանրային կապերի բաժնից և ստեղծագործական խմբից։ Ստեղծագործական ուղղության մասնագետները վարում են կառավարության պաշտոնական էջերը սոցիալական ցանցերում, հեղինակում են երկու հաղորդաշար ՝ «Հրապարակում» և «Մեր ժամանակների հերոսը», որոնք ամփոփում են կառավարության ամենշաբաթյա աշխատանքները և ներկայացնում են Հայաստանում գործող հաջողակ ձեռներեցության պատմությունները։ Այս ուղղության մասնագետները պատրաստում են իրազեկող անիմացիոն հոլովակներ կառավարության ծրագրերի, հիմնական փոփոխությունների և որոշումների վերաբերյալ :
Այս ուղղությունը ապահովում է կառավարության կատարած աշխատանքների ու ընթացիկ նախագծերի թափանցիկությունը և դրանց մասին հասարակության իրազեկվածությունը։

Վերլուծական ուղղությունը բաղկացած է հետևյալ ծառայություններից՝
ներքաղաքական ուսումնասիրության վարչություն, տնտեսական հետազոտությունների ծառայություն, միջազգային հարաբերությունների ուսումնասիրության ծառայություն, տարածաշրջանային քաղաքականության ուսումնասիրության ծառայություն, ռազմական հետազոտությունների ծառայություն, խմբագրական բաժին, «Օրբելի» վերլուծական խումբ, արխիվային նյութերի ուսումնասիրության ծառայություն, սփյուռքի բաժին, ինչպես նաև տեղեկատվության ստուգման ծառայություն։ Այս ուղղության մասնագետները համագործակցում են ավելի քան քառասուն պետական կառույցների հետ՝ տրամադրելով կատարված վերլուծական աշխատանքները, հեղինակում և հրապարակում են ոլորտային ուսումնասիրությւոններ և հետազոտություններ։

Ընթացիկ նախագծեր

LOGO-1
«Օրբելի» վերլուծական կենտրոնը ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի նախագիծն է, որտեղ կատարվում են հետազոտություններ և իրականացվում վերլուծություններ տնտեսության, տարածաշրջանային, ներքին և արտաքին քաղաքական զարգացումների, անվտանգային ենթակառուցվածքների, մեդիայի և այլ ոլորտներում: Մեր փորձագետների կողմից կատարված հետազոտություններն ու վերլուծությունները հրապարակվում են կենտրոնի կայքում։ Վստահ ենք՝ փորձագիտական-հետազոտական կենտրոնները պետք է ունենան առանցքային դեր պետության և հասարակության փոխհարաբերությունների, հասարակական կյանքի կազմակերպման և քաղաքական, տնտեսական մտքի զարգացման համար:

Մասնագիտացված հետազոտությունները կարող են օգտակար լինել պետական գերատեսչությունների, մասնավոր կառույցների, փորձագետների և այլոց համար: Մեր հոդվածների բովանդակությունը կառուցված է բազմակողմանի և օբյեկտիվ փաստերի, տարբեր տեսակետների ու մոտեցումների համադրության հիման վրա: Մենք նաև պատրաստ ենք սիրով լսել մասնագիտական այլ շրջանակների կարծիքներ, խորհուրդներ ու առաջարկություններ։

«Տեղեկատվության ստուգման կենտրոնը» Հայաստանի Հանրապետության վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի նախագիծն է՝ ստեղծված 2019 թվականին։
Կենտրոնի գործունեության նպատակն է պաշտպանել քաղաքացիներին տեղեկատվական դաշտում տեղ գտած կեղծիքներից։

Այստեղ կարող եք գտնել մեդիատիրույթում տարածվող կեղծ լուրերի հերքումները, պետական գերատեսչությունների պարզաբանումները, ինչպես նաև օբյեկտիվ ու ճշգրիտ տեղեկատվություն՝ Կառավարության գործունեության վերաբերյալ։

Մեր առաջնահերթություններն են՝ քաղաքացիների մեդիագրագիտության մակարդակի բարձրացումը, ապատեղեկատվության դեմ պայքարը, համագործակցությունը ԶԼՄ ներկայացուցիչների և ուղիղ կապը ընթերցողի հետ։

icheck_logo

Մեր ժամանակների հերոսը

Հրապարակում

Կապ

Էլ. հասցե՝ [email protected]

Հասցե՝ Օրբելի եղբայրների փող. 23, 0028, Երևան, Հայաստան