Հայաստանի Հանրապետության վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ն ունի աշխատանքային երկու հիմնական ուղղություն՝ վերլուծական և ստեղծագործական։
Ստեղծագործական ուղղությամբ աշխատանքներ են իրականացնում Ստեղծագործական խումբը, Հանրային կապերի բաժինը, Սփյուռքի բաժինը և Հանրային իրազեկման ծառայությունը։
Վերլուծական ուղղությամբ աշխատանքներ են իրականացնում հետևյալ ծառայությունները․
Այս ծառայություններում ներգրավված մասնագետները համագործակցում են ավելի քան քառասուն պետական կառույցների հետ՝ տրամադրելով վերլուծություններ, ոլորտային ուսումնասիրություններ և հետազոտություններ։
Մոնիթորինգի և ներքաղաքական ուսումնասիրության ծառայությունը և Տնտեսական հետազոտությունների ծառայությունն իրականացնում են հայաստանյան և միջազգային, իսկ Տարածաշրջանային քաղաքականության ուսումնասիրության ծառայությունը Հայաստանին սահմանակից և տարածաշրջանային այլ երկրների լրատվական հոսքերի մշտադիտարկում։ Հավաքագրվող տեղեկատվությունը մշակվում է, վերլուծվում, կազմվում են ամփոփագրեր, տեղեկանքներ։ Միջազգային հարաբերությունների ուսումնասիրության ծառայությունը ևս կատարում է ոլորտային վերլուծություններ, պատրաստում թեմատիկ տեղեկանքներ։ Տեղեկատվական և վերլուծական ողջ նյութը փոխանցվում է Վարչապետի աշխատակազմ և մի շարք պետական գերատեսչությունների (ԱԳՆ, ԱԽ, ՊՆ և այլն), որոնք այդպիսով օպերատիվ կերպով իրազեկվում են անվտանգային, ներքին և արտաքին քաղաքական, սոցիալ-տնտեսական և բազմաթիվ այլ թեմաներով հրատապ կամ երկարաժամկետ արձագանք պահանջող հարցերի մասին, ստանում են փորձագիտական վերլուծություն ու գնահատականներ։
Արխիվային նյութերի ուսումնասիրության ծառայությունն իրականացնում է փաստագրման և արխիվացման աշխատանանքեր հայ-ադրբեջանական հարաբերությունների և հակամարտության դրսևորումների համատեքստում։ Դրանց հիման վրա տրամադրվում է խորհրդատվություն շահագրգիռ մի շարք մարմինների, պատրաստվում են ֆիլմեր, հոդվածներ, հոլովակներ։
«Օրբելի» վերլուծական կենտրոնն իրականացնում է հետազոտություններ և վերլուծություններ, պատրաստում հոդվածներ Հայաստանի տնտեսության, ներքին և արտաքին քաղաքական, տարածաշրջանային զարգացումների, անվտանգության, ենթակառուցվածքների, մեդիայի և այլ ոլորտներում։ Վերլուծությունների ու հոդվածների մի մասը հրապարակվում է «Օրբելի» կենտրոնի պաշտոնական կայքում։ «Օրբելի» կենտրոնը համագործակցում է Հայաստանի և արտերկրի (ՌԴ, ԱՄՆ, Հնդկաստան, Վրաստան, Իրան, Ղազախստան, ԵՄ երկրներ և այլն) պետական և ոչ պետական վերլուծական կենտրոնների, գիտական-կրթական հաստատությունների և անհատների հետ։ Կազմակերպում է միջազգային համաժողովներ, քննարկումներ։ Համագործակցության միջոցով միջազգային հանրությանը ներկայացվում է Հայաստանի դիրքորոշումն առաջնային կարևորության հարցերի առնչությամբ։
Ընթացիկ նախագծեր
Մասնագիտացված հետազոտությունները կարող են օգտակար լինել պետական գերատեսչությունների, մասնավոր կառույցների, փորձագետների և այլոց համար: Մեր հոդվածների բովանդակությունը կառուցված է բազմակողմանի և օբյեկտիվ փաստերի, տարբեր տեսակետների ու մոտեցումների համադրության հիման վրա: Մենք նաև պատրաստ ենք սիրով լսել մասնագիտական այլ շրջանակների կարծիքներ, խորհուրդներ ու առաջարկություններ։
