Հանրային կապերի և տեղեկատվության կենտրոնի կողմից պատրաստվող «Մեր ժամանակների հերոսը» հաղորդաշարը եթերում է 2019 թվականից։ Այն ներկայացնում է աշխատասեր, նախաձեռնող, ստեղծագործ, անկոտրում կամքով մարդկանց պատմությունները, որոնք իրենց գործունեությամբ ձևավորում են ՀՀ քաղաքացու կերպարը և օրինակ դառնում մյուսների համար։

Նախագծի նպատակն է արժևորել ստեղծարար և աշխատող մարդուն՝ որպես մեր երկրի կարևորագույն արժեք։ Յուրաքանչյուր տարի հաղորդաշարի հերոսների մասնակցությամբ կազմակերպվում է «Մեր ժամանակների հերոսը» համանուն մրցանակաբաշխությունը, որի շրջանակում նրանք և նրանց աշխատանքը խրախուսվում են պետական բարձր մակարդակով։