Սեպտեմբերի 6-8-ը տեղի ունեցավ  Հանրային կապերի և տեղեկատվության կենտրոնի կողմից կազմակերպված Հայ-ռուսական առաջին մեդիաֆորումը, որի կազմակերպմանն աջակցել էր ՌԴ Թվային զարգացման, կապի և զանգվածային հաղորդակցության նախարարությունը։

Միջոցառման 3 օրերի ընթացքում  Ռուսաստանից ժամանած լրատվամիջոցների ներկայացուցիչները և առաջատար կենտրոնների փորձագետները հանդիպումներ ու քննարկումներ են ունեցել ՀՀ կառավարության, արտգործնախարարության և այլ գերատեսչությունների բարձրաստիճան պաշտոնյաների հետ։

Առանձին հանդիպումներից հետո միջոցառման երրորդ օրը տեղի են ունեցել 3 թեմատիկ ուղղություններով պանելային քննարկումներ, որոնց ժամանակ քննարկվել են երկկողմ փորձագիտական շրջանակների ու ԶԼՄ ներկայացուցիչների միջև համագործակցության խորացմանը, լրագրողների միջև փորձի փոխանակմանը աջակցող ծրագրերի աջակցմանը և համատեղ մեդիա նախագծերի իրականացմանը վերաբերող հարցեր։

Միջոցառմանը մասնակցել է նաև այս առիթով Հայաստան ժամանած ՌԴ թվային զարգացման, կապի և զանգվածային հաղորդակցության փոխնախարար Բելլա Չերկեսովան։

Քննարկումների ամփոփումից հետո ՀՀ վարչապետի աշխատակազմի Հանրային կապերի և տեղեկատվության կենտրոնի և ՌԴ Թվային զարգացման, կապի և զանգվածային հաղորդակցության նախարարության միջև ստորագրվեց համագործակցության մասին հայտարարություն:

 

Comments are closed, but trackbacks and pingbacks are open.